БИШКЕК. Бүгүн АКШнын эл аралык байланыштар боюнча Улуттук демократиялык институтунун директору Эми Шульц Жогорку Кеңештин Мыйзам чыгаруу жыйынынын аппарат кызматкерлерине сертификат тапшырды. Аталган палатанын 23 кызматкери Улуттук демократиялык институттун программасынын негизинде бир жылдык окуудан өтүшкөн. Алар “Мыйзам чыгаруу органы жана Демократиялык институт сыяктуу парламенттин ролунун эл аралык тажрыйбасы” аттуу программасынын алкагында бир катар семинар, окууларга катышып, эл аралык Мыйзам чыгаруу палаталарынын иш тажрыйбасы менен таанышышкан.
