Азербайжан менен Армениянын президенттери Илхам Алиев жана Роберт Кочарян кечээ күнү Астана шаарында жолугуп, Тоолуу Карабак маселесин талкуулады, кийин аларга орус президенти Владимир Путин дагы кошулду. Бирок алар кандай жыйынтыкка келгени тууралуу кабарлана элек. Карабак үчүн эки өлкө ортосунда 1990-жылдардын башындагы болгон согушта 35 миңге жакын адам өлүп, бир миллиондон ашык киши жер которууга аргасыз болгон.
