БИШКЕК. 17-24-сентябрь күндөрү Кыргызстандын аймагында Франция менен Кыргызстандын атайын багыттагы аскердик бөлүктөрүнүн биргелешкен машыгуусу өткөрүлөт. Бул максатта Бишкекке Франциянын куралдуу күчтөрүнүн тоолуу шартта аскердик опперацияларды аткаруучу артилериялык, жөө жана инженердик полкторунан 32 аскер адис келишти. Коргоо министрлигинин маалымат кызматынын кабарлоосуна караганда, бир аптага созулган аскердик машыгуу учурунда бийик тоолуу шартта ар кандай согуштук операцияларды аткаруу, аскага аркан менен чыгуу, мылтык атуу сыяктуу иш чаралар аткарылат.
