Президент Жорж Буш соттун уруксатысыз эларалык телефондорду тыңшоого жана электрондук почталарды текшерүүгө атайын кызматтарга уруксат бергенин тастыктоодон да, төгүндөөдөн да баш тартты. Бирок ал америкалыктарды коргоо үчүн мыйзам чегинде аракеттерди жасап жатканын билдирди. АКШнын сенаторлору болсо адам укугун бузаарына байланыштуу террорго каршы 2001-жылдагы окуядан кийин кабыл алынган Патриоттук акт деп аталган мыйзамды узартуудан баш тартышты. Бул маселеде оппозициягы демократ сенаторлорго республикалык партиянын өкүлдөрү да кошулуп кетти.
