Ирандын түштүк-батышындагы Ахваз шаарында бүгүн удаасы менен эки жарылуу болгондон кеминде сегиз адам набыт кетип, дагы жыйырмадай киши жараат алды. Биринчи жарылуу банк имаратынын алдында болгон, экинчи бомба өкмөттүк агенттик алдында жарылган. Жарылуулар үчүн жоопкерчиликти өзүнө азырынча эч ким ала элек. Өлкө президенти Махмуд Ахмадинежад Ахваз шаарына бармак, бирок ИРНА деген өкмөттүк маалымат агенттиги билдиргенге караганда, катуу жааган жаан менен байланыштуу барбай калды.
