Ирактын мурдагы президенти Саддам Хуссейнге каршы сот бүгүн кечигүү менен башталды, бирок жабык түрдө өткөрүлүүдө. Саддам жана анын адвокаттары сотко келген жок, алар трибуналдын жаңы төрагасы Рауф Рашид Абдел Рахмандын кызматтан чегинишин талап кылууда. Жекшемби күнү өткөрүлгөн жыйында Саддам жана анын адвокаттары туруп чыгып кеткен. Саддам менен кошо дагы жети адам соттолууда, аларга каршы 1982-жылы Дужейл шаарындагы кыргын боюнча күнөө коюлган, айыптуу деп табылса, бардык сегиз адам өлүм жазасына тартылышы мүмкүн.
