"Хьюман райтс уотч" уюму кыргыз бийлигин бейөкмөт уюмдарды текшерүү аракеттерин токтотууга чакырды

"Хьюман райтс уотч" уюмунун Европа жана Борбор Азия боюнча бөлүмүнүн аткаруучу директору Холли Картнер президент Курманбек Бакиевге кайрылуу жолдоп, анда адилет министри Марат Кайыповдун чет өлкөлөрдөн каржы алган өкмөттүк эмес уюмдарды текшерүү буйругун ишке ашырууну токтотууну суранган.

Укук коргоо уюмунун өкүлү бейөкмөт уюмдарга басымдын күчөшү атуулдук коомдун түптөлүшүнө оң таасир этпейт деп белгилеп, андай иштерге жол бербөөгө мамлекет башчысын чакырган.