16-февралда Жогорку Кеңеш «Бажы төлөмдөрү тууралуу» мыйзам долбоорун кабыл алды. Өнөр жай, соода жана туризм министри Алмазбек Атамбаевдин билдирүүсүнө караганда, мыйзамда ата мекендик өндүрүшчүлөрдү коргоого аракет жасалды. Маселен, шыйпырды экспорттоого, ал эми аккумуляторлорду импорттоого бажы төлөмдөрү киргизилип, ички рынокту жана атамекендик өндүрүүчү коргоо алынды. Жогорку Кеңештин бюджет жана финансы комитетинин төрагасы Ахматбек Келдибековдун сөзү боюнча, 10 миң товарга бажы төлөмү киргизилген. Алар жыл сайын жаңыдан каралып турат.
