Америкада 40 млн.адам интернетте жөн эле эс алат

Pew Internet & American Life Project деп аталган компания соңку изилдөөлөрүн жарыялады. Ага ылайык, бүгүн Кошмо Штаттарында интернетти колдонгондордун 30%зы, же 40 млн.адам, дүйнөлүк маалымат булагына эч бир максатсыз эле кирет. Алар интернетте жөн гана көңүл ачып, убактысын өткөрөт делет. Америкада интернетти колдонгондордун 52%зы электрондук адресин текшерет, ал эми 38%зы өзүнө керектүү маалымат издейт экен. Бирок интернетке бекерчиликтен жөн эле киргендердин саны былтыркы жылдын ичинде эле эки эсеге өскөнү белгиленди.

Төрөкул Дооров, Прага