Адам укуктары боюнча европалык соттун чечимине ылайык, Орусиянын милицияда кыйноого алынган жаранына 35 миң евро компенсация төлөнүшү керек. Соттун чечиминде айтылгандай, Ольга Менешева аттуу жаран 1999-жылы Батайск деген шаарда адам өлүмүнө байланыштуу камакка алынып, милициядан ур –токмок жеген. Андан соң жергиликтүү сот аны милицияга каршылык көргөзгөн деген кине менен 5 күнгө абакка отургузган. Адам укуктары боюнча европалык соттун пикиринде, орус бийликтери аталган атуулдун милициянын аракетине карата даттанууларына жетиштүү көңүл бурган эмес.
