БИШКЕК. Майрам Акаева “Мээрим” фондусу менен интернет аркылуу байланышып турат жана эмгек жамаатка моралдык колдоо көрсөтүүдө. Бул тууралуу фонддун аткаруучу директору Марат Жумабеков “Азаттыкка” билдирди. Анын айтымында, Мээрим фондусуна каршы козголгон кылмыш иштердин артында саясат жатат. Башкы прокуратура “Мээрим” фондусуна байланыштуу 28 кылмыш ишин козгогон. Башкы прокуратуранын маалыматы боюнча, мамлекеттик казынадан чоң өлчөмдөгү каражаттарды мыйзамсыз котортуп алуу менен “Мээрим” фондусу 72 миллион сом чыгым келтирген.
