Бүгүн - визиттин экинчи күнү. Кечээ Пекинде Владимир Путин менен кытай президенти Ху Цзиньтаонун сүйлөшүүлөрүнөн соң бир катар келишимдерге кол коюлду. Тараптар Сибирдин кендериндеги газды Кытайга жеткирүү үчүн узундугу 4100 чакырым келген куур төшөөнү макулдашканы жарыяланды. Орусия президентинин айтымында, жаңы газ кууру Кытайга жылына 80 миллиард кубометр көгүлттүр отту жеткирүүгө жөндөмдүү болот.
