БИШКЕК. Таластагы «Жерүй» алтын ишканасынын жүздөн ашуун жумушчусу беш күн мурда башталган өкмөт үйүнүн алдындагы нааразылык чарасын бүгүн да улантышты. Алар аталган ишкананын курулушун улантууну, эмгек акылары үчүн «Кыргызалтын» тарабынан убада кылынган компенсацияны төлөп берүүнү талап кылышып, өкмөттөн канааттандыраарлык жооп болмоюнча нараазылык чарасын токтотпой тургандыктарын айтышууда. Алар түштөн кийин тарап кетишти.
