БИШКЕК. Дүйшөмбү күнү Биринчи май райондук соту Жогорку Кеңешке депутаттыкка талапкердиктен четтетилген Рысбек Акматбаевдин арызын караганы жатат. Мындай маалымат бүгүн анын туугандарынын биринен алынды. Ушул эле булактын маалымдашынча, дүйшөмбү күнү Балыкчы шайлоо округуна караштуу бир катар аймактарда Акматбаевди колдоо акциялары өтөрү болжолдонууда. Мурда кабарлангандай, 29-мартта Борбордук шайлоо комиссиясы Рысбек Акматбаевди акыркы үч жыл Кыргызстанда туруктуу жашаган эмес жана соттолгон деп үүшайлоодон алып салган.
