БИШКЕК. Бүгүн эртең мененки саат сегизден бери Кыргызстандагы үч шайлоо округунда Жогорку Кеңешке депутаттарды шайлоо жүрүп жатат. Алардын ичинен №16 Куршаб округунда 7, №39 Кадамжай округунда 9, №69 Балыкчы округунда 6 талапкер ат салышууда. БШКнын маалыматына караганда, кечки саат төрткө карата Кадамжай шайлоо округунан добуш берген шайлоочулардын саны 48%тен, Куршаб округунда 30%тен ашты, Балыкчы шайлоо округунда 41%ке жакындады.
Добуш берүү Шайлоо кодекси боюнча кечки саат сегизде соңуна чыгат. Ага эл аралык уюмдардан 25 байкоочу көз салууда. Алардын төртөө ЕККУнун, он төртү АКШнын Кыргызстандагы элчилигинин атынан катталышкан.
Добуш берүү Шайлоо кодекси боюнча кечки саат сегизде соңуна чыгат. Ага эл аралык уюмдардан 25 байкоочу көз салууда. Алардын төртөө ЕККУнун, он төртү АКШнын Кыргызстандагы элчилигинин атынан катталышкан.
