Бириккен улуттар уюмунун Атомдук энергия боюнча эларалык агенттиги (МАГАТЭнин) башчысы Мухаммед Эл-Барадей азырынча Иранда уран чын эле ядролук отун катары колдонула турган деңгээлде байытылганын толук тастыктай албайт. Бейшембиде Тегеранда болгон учурунда Эл-Барадей “МАГАТЭнин инспекторлору Ирандагы объектилерден ядролук материалдардын үлгүлөрүн алып, ушу тапта изилдөөлөрдү өткөрүп жатканын, жакын арада өздөрүнүн тыянагын беришээрин” билдирди. МАГАТЭ Ирандан уран байытууну токтотууту талап кылды. Ирандын өзөктүк маселе боюнча ырасмий өкүлү Али Ларижини МАГАТЭнин бул талабына расмий Тегеран 2 аптанын ичинде жооп берээрин билдирди.
