Бул жөнүндө бүгүн АКШнын Кыргызстандагы элчилиги таркаткан билдирүүдө айтылат. «Бул кол салуу коркок жорук гана болбостон атуулдук коомго жасалган чабуул болуп да саналат. Бул кол салууга биз Кыргызстанда соңку жылда болгон саясий зомбулук коркунучун жараткан олуттуу окуя катары карайбыз»,-деп баса белгиленген билдирүүдө. АКШ элчилиги кыргыз өкмөтүн уюшкан кылмыштуулукка каршы бекем күрөшүүгө үндөп, ошондой эле Байсаловго кол салуу кылмышын дыкат иликтөөгө, коркунуч тооруган адамдардын коопсуздугун камсыз кылууга чакырган.
