БИШКЕК. «Өлкөдө бир гана уюшкан кылмыш тобу бар. Ал Рысбек Акматбаевдин тобу. Милиция аларга күнөө койсо, прокуратура, сот актап койду. Ошого карабай биз ишти улантып жатабыз», -деп билдирди ички иштер министр орун басары Өмүрбек Суваналиев бүгүн парламентте депутаттардын суроолоруна жооп берип жатып. Эдил Байсаловго кол салуу боюнча Бишкек шаар прокурору менен ички иштер министринин орун басарынын маалыматын уккан соң, айрым депутаттар уюшкан кылмыштуулукка каршы күрөшүү иштерин сынга алышып, күч структураларында реформа жүргүзүү зарылдыгын белгилешти.
