БИШКЕК. «Эмгек жана биримдик» партиясынын өкүлдөрү көптөгөн адамдар 29-апрелде демократиялык күчтөр биримдиги уюштуруп жаткан саясий акцияга каршы президентти колдоо максатында митинг өткөрүү талабы менен кайрылып жатканын бүгүнкү маалымат жыйынында билдиришти. Бул партия митинг, пикеттер менен маселени чечүүгө каршы экенин белгилеп, айрым саясатчылардын өлкөдөгү кырдаалды атайын ырбатышына жол бербөөгө чакырган кайрылуусун коомчулукка таркатты.
