БИШКЕК. “Жерүй” ишканасынын курулушун кайрадан жандандырып, англиялык “Оксус” компаниясын Кыргызстанга кайра алып келүү керек. Мындай пикирин Тоо-кенчилер жана геологдор ассоциациясынын президенти Орозбек Дүйшеев Азаттыкка билдирди. Анын пикиринде, бийликтин жогорку тепкичиндеги эки адамга туура эмес маалымат бергендиктен ушундай катачылык кетти. Англиялык Оксус фирмасы бул кенди иштетүүгө буга чейин 40 миллион доллар сарптаган. Андан сырткары бул компания эл аралык сотко кайрылып, Кыргызстандан кошумча дагы 100 миллион доллар өндүрүп берүүнү талап кылууда.
Чолпон Орозобекова
Чолпон Орозобекова
