29-апрелде жаанга карабай Бишкектин борборундагы Алатоо аянтында тынчтык митинги болду. Ички иштер министрлигинин маалыматы боюнча, ага 15 миңден 17 миңге чейин киши катышты. Ал эми митингинин уюштуруучулары 20 миңден ашуун адам келди деп билдирди. Митингинин катышуучулары жана лидерлери бийликтен конституциялык, демократиялык реформаларды, коррупцияга жана криминалга каршы чечкиндүү күрөштү талап кылды. Чогулган эл алдында «Атамекен» партиясынын лидери Өмүрбек Текебаев, Социал-демократиялык партиянын лидери Алмазбек Атамбаев баш болгон бир катар саясатчылар сөз сүйлөдү.
