Ирандын өзөктүк программаларынан чыккан маселе боюнча сүйлөшүү жүргүзүп келген Алмания, Британия жана Франциянын өкүлдөрү 18-май күнү Вашингтон шаарында АКШ жетекчилигине жаңы сунуш менен чыкты. Алардын айтымында, Ирандын өзөктүк изилдөөлөрүн токтотуу үчүн Тегеранга ар башка соода жана экономикалык жардам көрсөтүш керек жана андай программанын алкагында АКШ Иранга жаңы учактарды сатканы жакшы. Андан тышкары, Бириккен Улуттар жетекчилиги жакында АКШга - Иран менен түз дипломатиялывк сүйлөшүү жүргүзүүнү сунуштаган, бирок Вашингтон аны четке каккан. АКШ менен Иран ортосунда 1979-жылдан бери дипломатиялык мамиле жок.
