БИШКЕК. Ал чек арачыларга каршылык көрсөтүп, бир автоматты көтөрө казак тарапка качкан. Аны кармап, куралды алган соң экинчи ирет качкан. Эскертүү иретинде атылган окко баш ийбей, чек арачылар ага каршы курал колдонууга аргасыз болгон. Белгисиз адам чек ара тилкесинин 7-8 метр ары жагында жыгылып, каза тапкан. Бул иш боюнча учурда Чүй гарнизондук прокуратурасы жана Казакстандын райондук прокуратурасы тарабынан кылмыш иши козголду. Бул маалыматты Кыргызстандын чек ара кызматы таратты
Кыргыз-казак чек арасын бузуп өткөн белгисиз адам чек арачылардын аткан огунан каза тапты
