Украинанын Кырым жарым аралында Батышка каршы митинг-демонстрациялар уланууда: "Кырымдын түштүк жээги менен Партенит Америка үчүн жабык! Партенит Америка үчүн жабык", - чогулган эл ушинтип кыйкырып жатты. Июлда Кырым жээгинде украиналык жана НАТО аскерлеринин биргелешкен аскерий машыгуусун өткөрүү пландалган жана Кырымга америкалык инженерлер келе баштаган. Бирок Орусияны колдогон жергиликтүү уюмдар жана Региондор партиясы 27-майдан бери антинатолук митингдерди өткөрүүдө.
