БИШКЕК. Президент менен Жогорку Кеңеш, сот жана аткаруу бийлиги өкүлдөрүнүн 7-июнга белгиленген жолугушуусуна «Реформа үчүн» кыймылына кирген депутаттар катышпайт. Бул тууралуу кыймылдын мүчөсү Болот Шерниязов билдирди. Алар жолугушуудан кандайдыр бир тыянак чыгаарына ишенбейт. «Реформа үчүн» кыймылында депутаттар Дооронбек Садырбаев, Өмүрбек Текебаев, Темир Сариев, Кубатбек Байболов, Болот Шерниязов, Мелис Эшимканов, Кабай Карабеков бар. Кыймылга кошулгандыгын кечээ депутат Бекназаров да билдирген.
