БИШКЕК. 6-августтун түнүндө жүргүзүлгөн атайын операциянын учурунда мерт болгон эки адамдын аты аталды. Кыргызстандын коопсуздук кызматынын өкүлү Бакыт Бекибаевдин айтымында алар – Шер деген ат менен таанымал Шахабидинов Айыпкожо жана Рахимов Фатхулла. Булар Анжиян окуясына катыштыгы бар делип, «Өзбекстандын ислам кыймылынын» мүчөлөрү катары Өзбек бийлиги тарабынан издөөдө жүрүшкөн. Алар менен чогуу болгон үчүнчү адам маркум имам Мухаммадрафык Камалов Кыргызстандын жараны болгон.
