ТАЛАС. Менчик ээси бекитип киргизбей жаткандыктан, Талас шаарындагы лицейдин окуучулары үчүн сабак баштала элек. Окуучу балдардын элүүгө жакын ата-энеси жана мугалимдер бүгүн облустук акимчилик алдына арызданып чыгышты. Эгер балдар окубай калса алар Бишкекке барып Акүйдүн алдына нааразылык акциясын өткөрө тургандыгын билдиришти. Областтык бийлик өкүлдөрү аларга чыгып, лицейге имарат издеп жаткандыгын айтып түшүндүрүп, эки-үч күн убакыт сурашты.
