Ооган согушунун 300 чамалаш ардагери бүгүн Бишкек шаарынын Ататүрк паркынан Алатоо аянтына чейин жөө жүрүш жасашты. Алар Кыргызстан калкын биримдикке, ынтымакка, тынчтыкка чакырган ураандарды көтөрүштү. Ооган согушунун ардагерлеринин республикалык кеңешинин төрагасы Нурлан Төрөбековдун айтымында, 2-ноябрда күтүлүп жаткан митинг маалында үч жүздөн беш жүзгө чейинки ооганчы Бишкек шаарынын коопсуздугун камсыздоо максатында күзөткө чыгышат. (BuS)
