Эски аянтта митингичилер кагылышып, милиция газ колдонуп элди таркатты. Алатоо аянтында турган оппозциянын тарапкерлери эски аянтта президенттин таламын талашып турган адамдарга барганда орто жерден кагылышуу чыгып кеткен. Эки тарап бири-бирине таш, бөтөлкө ыргытып башташкан. Ошондуктан, милиция көздөн жаш агызуучу газ менен асманга жети, сегиз жолу атып, митингичилерди ажыратты. Парламенттин имаратынын алдына кошумча күчтөр тартылып, эски аянтка эки БТР менен автоматчан аскерлер чыкты.
