21-ноябрда Чүй облусунун Ысык-Ата районунда жана Бишкек шаардык номур 48-мектептин окуучулары үчүн Чукул кырдаалдар министрлигинин машыгуулары өтөт. Аталган министрликтин басма сөз кызматы билдиргендей, машыгуу учурунда номур 48-мектепте өрттү алдын алуу жана аны менен күрөшүү чаралары көрсөтүлөт. Машыгууга мектептин окуу иштери боюнча бөлүм башчылары катышат. Ошондой эле машыгууга өрт өчүргүчтөр, куткаруу кызматы, тез жардам жана милиция кызматкерлери тартылмакчы.
