«Мекен», «Биримдик», «Эл менен», «Келечек» депутаттык топтору сунуш кылган бул долбоор бүгүнкү добуш берүүдө 40 добуш менен өттү. Депутаттар Алманбет Матубраимов менен Азимбек Бекназаров сунуштаган долбоорлор жетиштүү добуш топтой алган жок. Бейшемби күнкү добуш берүүдө депутат Өмүрбек Текебаевдин 14 комитет, 5 комиссия түзүү жөнүндөгү сунушун да депутаттар колдошкон эмес. Буга чейин парламентте 7 комитет, 2 комиссия иштеп келген. (BuS)
