АКШ жана Европа Биримдиги Түркмөнстандын жаңы президенти Гурмангули Бердымухаммедовко кайрылып, аны - шайлоо алдында жасалган убадаларды аткарууга чакырды. Евробиримдикке төрагалдык кылган Алманиянын айтымында, саясий себептен камакка алынган адамдар бошотулууга тийиш. АКШ мамлекеттик катчысынын орун басары Ричард Баучер 14-февралда Ашгабад шаарында Бердымухаммедовдун президенттик ант берүү аземине катышты жана аны менен өз алдынча жолукканда, жаңы президент аны - реформалар башталат деп ишендирди.
