Учурда Коопсуздук кызматынын тергөө абагында отурган саясатчылар Өмүрбек Субаналиев менен Өмүрбек Абдыракмановдун баш коргоо чарасын өзгөртүп, тергөөнү калыс иликтөөнү сураган арызды аталган саясатчылардын адвокаттары бүгүн биринчи май райондук сотуна тапшырышты. Адвокаттардын 24kg агенттигинде уюштурган маалымат жыйынында билдиргендерине караганда, саясатчыларды коопсуздук кызматы негиздүү далилдерсиз, одоно мыйзам бузуулар менен камакта кармап турат. Башкы прокурордун орун басары Александр Нефоростных 26-апрелде кечинде Субаналиев менен Абдыракмановду 19-апрелде массалык тартипсиздикти уюштурду деген негиз менен камакка алуу жөнүндө чечим чыгарган. Тергөө мыйзам боюнча эки айдан жогорку мөөнөттү камтыйт. (BuS)
