Чолпоната шаарынын борбордук пляжын 5 жыл ижарага алган бишкектик Жумабек Токтогазиев келишимди бузуп, көл жээкке эс алуу бөлмөлөрүн сала баштаган. Ошондуктан чолпонаталык тургундар бул объектини курчап алды. Бул жерге шаардын мурунку жана азыркы башчылары алынып келинип, алар жергиликтүү сот органдарынын чечими боюнча курулушту токтотууга укугу чектелүү экенин айтышты. Шаар кеңешинин депутаты Нарынбек Кудайбеков токтом боюнча пляждарды ижарага берүү жергиликтүү элге гана каралганын чечмелеп, Жумабек Токтогазиевдин Бишкектен келип жооп берүүсүн талап кылды. (RB)
