Өзбек тышкы иштер министрлиги Евробиримдикти өлкөгө каршы санкцияларды күчүндө калтырганы үчүн сынга алып, мындай аракетти эки тараптын кызыкчылыгы үчүн тең пайдасыз деп атады. Жогорудагыдай билдирүү кечээ кечинде жасалды. Мунун алдында Еврошаркеттин тышкы иштер министрлери шаркеттин өлкөлөрүнө виза алуусуна тыюу салынган 12 расмий өкүлдүн тизмесинен төртөөсүн гана чыгарган эле. Евробиримдик Өзбекстанга каршы курал эмбаргосун жана визалык чектөөлөрдү эки жыл мурдагы Андижан окуяларынан соңунан киргизген.
