Баткен облустук акимчилигинде коомчулук менен болгон жолугушууда, элчи Марат Бакиев алынып келинген медицина жабдуулары Германиянын «Физиомед» компаниясы тарабынан чыгарылып, Кыргызстанда саналуу гана ооруканада бар экенине токтолду. Жабдуулар негизинен физиотерапия багытындагылар. Ошондой эле элчи мырза Германия өлкөсүнөн алынып келинген колдонулган компьютер комплектилери Баткендеги мектептерге бериле турганын билдирди. Белгилеп кетчү нерсе, Марат Бакиев өткөн жылдын ноябрь айында да Баткенге 12 млн. сомдук медицина жабдууларын алып келген болчу. (SA)
