Адвокат Айжан Касымалиеванын айтымында, Арыкова Коопсуздук Комитетинин бейтапканасында тергөөчүнүн жардамы менен жалпы текшерүүдөн өтүүдө. Ага адвокаттын катышуусуна уруксат берилген жок. Айыпталуучуда онкологиялык илдет бар экендигин, ага коопсуздук кызматы маани бербей жаткандыгын буга чейин анын тарапкерлери айтып келишкен. Жогорку Кеңештин кызматкери Жыпаргүл Арыкова мамлекетке чыккынчылык кылды деген айып менен 19-июндан бери Коопсуздук Комитетинин камагында отурат. Ага карата тергөө ушул аптанын башында узартылган. (BuS)
