Ундун баасы Таластын соода түйүнлөрүндө 50 килограммдык бир кап ун 1300 сомдон сатылып, бир килограммы 26 сомдон айланууда. Ал эми өкмөттөн бөлүнгөн бир кап ундун баасы 700 сомдон болуп, килограммы 14 сомдон берилгенин бүгүн губернатордун биринчи орунбасары Акбаралы Карабаев акимдер менен болгон жыйында айтты. Карабаев райондун башчыларына Талас дан азыктан унду калк тургундарына арзан баада жеткирип берүүлөрүн талап кылды. Акимдер унду алып кетүүдөгү транспорттук чыгымдар тууралу ар кандай суроолорду беришти. Акбаралы Карабаев эң негизги максат элге унду арзан баада жеткирүү деп жооп берди. (UA)
