Бишкек шаардык кеңешинин төрайымы Нуржамал Байболова бүгүн маалымат жыйынын өткөрүп, мэриянын жана "ак үйдүн" жооптуу кызматкерлери тарабынан шаардык кеңештеги “Ак шумкар” партиясынын мүчөлөрүнө моралдык кысым көрсөтүлүп жатканын билдирди. Байболованын айтымында, мэрди президент дайындабай альтернативдүү түрдө шайлоого алып чыгуу позициясынан кайтпай турганына байланыштуу аны шаар кеңешинин төрайымдыгына ишеним көрсөтпөө үчүн бийлик ар кандай аракеттерди жасоодо. Шаар кеңешинин 13 депутаты “Ак шумкар” партиясынын мүчөлөрү болушкан. Алардын экөөнө мэриядан кысым көрсөтүлгөндүктөн арыз жазып партиянын катарынан чыгууга аргасыз болушкан,дейт Байболова. (AJ)
