Анын алдында Йерусалимде Израиль премьер-министри Эхуд Олмерт жана Палестин автономиясынын башчысы Махмуд Аббас Жакынкы Чыгыштагы тынчтык жараянын жандандыруу максатында сүйлөшүүлөрдү өткөрдү. Бир жарым ай мурда АКШнын Аннаполис шаарында өткөн эл аралык конференцияда Аббас жана Олмерт Буштун президенттик мөөнөтүнүн аягына чейин тынчтык макулдашуусуна жетүү үчүн бардык чараларды колдонууга убада беришкен. Жорж Буштун президенттик мөөнөтү 2009-жылдын башында аяктайт.
