42 жылдан ашуун өмүрүн аскердик кызматка арнаган генерал-майор Анарбек Шамкеевди ардактуу эс алууга узатуу аземи бүгүн адилет министрлигинин аскер департаментинде болду. Бул иш-чарага адилет министри Марат Кайыпов, “Жоокер энелери” коомдук бирикмесинин өкүлдөрү, аскерге жана милицияга эмгеги сиңген көрүнүктүү ишмерлер катышты. Аскер департаменти жаза-аткаруу тутуму ИИМ карамагынан адилет министрлигине өткөрүлгөндө түзүлүп, Анарбек Шамкеев жетектеп турган. Ардактуу эс алууга чыккан Анарбек Шамкеевдин ордуна Адилет министрлигинин аскер департаментинин башчылыгына өкмөт башчынын буйругу менен Асылбек Молдобаев дайындалган. (ZKo)
