23-жаштагы ханзаада Гарри Ооганстанда аскердик кызмат өтөп жатканы ачыкка чыгып кеткенден кийин, британ ММКлар ал 10 аптадан кийин үйүнө кайтып келээрин жазып чыгышты. Кабарларга караганда, ал Ооганстандын кооптуу делген Гелманд провинциясында аскердик кызматта жүрөт. Бейшембиде британ коргоо министри бул маалыматты бышыктаган эле. Бирок ханзаада Гарри качан кайтаары тууралуу аталган министрлик эч нерсе дей элек.
