7:00 Бишкекте бүгүн коомдук парламенттин экинчи отуруму өтөт

Анда март ыңкылабынан кийинки үч жыл ичиндеги өлкөдөгү коомдук-саясий абал талкууланып, президент Курманбек Бакиевдин жүргүзгөн саясатына, жасаган иштерине баа берилет. Коомдук парламент түзүү чечими бир катар саясий партиялардын жана коомдук уюмдардын башын бириктирген «Акыйкат үчүн» кыймылынын жыл башындагы жыйынында кабыл алынган. Курамы 50 мүчөдөн турган коомдук парламенттин алгачкы жыйыны 20-февралда өтүп, анда энергетика тармагындагы абал талкууланган.(SM)