“Азаттыктын” маалыматына ылайык, орус баш калаасында жашаган кыргызстандыктар Нооруз майрамын бүгүн белгилешпейт. Ал жерде Кыргызстандын элчилиги майрамдык салтанатты ишембиге, 22-мартка, жылдырган. Ал эми “Ыйык Ата-Журт” коомдук жаштар фондунун Стамбулдагы өкүлчүлүгүнөн билдиришкендей, салтанаттуу иш-чара ал жерде жекшемби күнү, 23-мартта, өтө турган болду. Ага Кыргызстандан маданият ишмерлери, Стамбулда жашап, иштеп жаткан кыргызстандыктар жана кыргыз консулдук кызматынын өкүлдөрү келишет. (TD)
