Бул туурасында жаңыдан уюшулган «Коомдук кыймылдын» төрагасы Абдыкайым Кангелдиев 26-мартта «Азаттыкка» кабарлады. Анын айтымында, жергиликтүү бийликтин бут тосууларына карабастан 7 райондо кыймылдын накта мүчөлөрүнүн саны 2 миңге чукулдады. Киийинки жуманын башында уюмдун 1-конференциясы өткөрүлүшү күтүлүүдө, анда аймактагы коомдук-саясий кырдаал талкууланмакчы. Ош облустук адилет башкармалыгынын жетекчиси Каныбек Нуруев «Коомдук кыймыл» каттоодон өтмөйүнчө, анын иш-аракеттери жана чечимдери укуктук күчкө ээ эмес деп эсептейт. (ATo)
