Экономикалык өнүгүү жана соода министри Акылбек Жапаров ушу күндөрү Кытайда өтүп жаткан эл аралык 19-чу Харбин соода-экономикалык жарманкесинде жүрөт. Жарманкеге 56 өлкөдөн өкүлдөр катышып энергетика, айыл-чарба, кайра иштетүү, транспорт жана коммуникация жаатындагы экономикалык кызматташуу мүмкүнчүлүктөрүн талкуулашууда. Кытайдын экономикалык ири форумдарынын бири болгон Эл аралык Харбин экономикалык жарманкеси 1990-жылдан тарта жыл сайын өткөрүлүп келет. Төрт күнгө созулган жарманке бул жолу 19-июнда жыйынтыкталат. (EK)