Кумтөр алтын кени боюнча ЖК төрагасынын орун басары Кубанычбек Исабековдун арызын карап жаткан Бишкек райондор аралык соту бүгүн ушундай чечим кабыл алды. Сот вице-спикердин өкмөт менен геология жана минералдык ресурстар боюнча мамагенттиктин үстүнөн берген арызын өз-өзүнчө кароо керек деп тапты. Ушундан улам бул иштин бирөөсүн кароо эртеңкиге, экинчиси жума күнгө дайындалды. Кубанычбек Исабеков болсо муну өкмөттүн кезектеги оюну, өкмөт мыйзамсыз токтомун жокко чыгаргысы келбей жатат деп эсептейт. Жогорку Кеңештин төрагасынын орун басары райондор аралык сотко жолдогон арызында 2003-жылдагы “Кумтөр” келишимин реструктризациялоо боюнча өкмөттүн токтомун жокко чыгарууну талап кылган.(SM)
