Өкмөт башчыныны билдирүүсү боюнча, Кумтөр кенин иштетип жаткан “Центерра голд” компаниясы эл аралык арбитраждык сотто эки жагдай боюнча териштирүүнү улантты. Себеби, компания бийик тоолуу аймактагы жарандар үчүн кошумча төлөмдү төлөөгө жана кенди иштетүүдө экологиянын бузулганы үчүн каражат берүүгө макул эмес. Ал эми кыргыз өкмөтү 2003-жылкы реструктуризациялоо жөнүндөгү келишимде көрсөтүлгөн баага макул эмес. “Себеби, анда баа алдын-ала атайылап төмөндөтүлгөн деген ойдобуз. Ошон үчүн азыр биз абдан олуттуу сүйлөшүүлөрдү жүргүзүп жатабыз жана анда Кыргызстан азыркы пайдасынан жок дегенде 10 пайызга көп пайда алса деп аракеттенип жатабыз”-деди И.Чудинов. (BD)
