Карасуу аймактык ооруканасынын директору Каныбек Муратов “Азaттыкка” билдиргенине караганда, Нариман кыштагынын эки жашоочусу 17-июнда орточо оор акыбалда келип түшкөн. Алар адегенде күйдүргү дартына шектүү деп табылган, бирок, анализдери толук чыга элек. Ошентсе да, сыркоолордун жарааты коркунучтуу дартка күмөн туудурууда. Ошол эле учурда Ош облус губернатору Аалы Карашев аймактын медициналык жана ветеринардык кызматкерлерин маалымат таңкыстыгын атайылап түзүп жаткандыгы үчүн айыптап, муну үчүн тиешелүү жетекчилерди тартипке чакыраарын убада кылды. (ATo)
