Саламаттык сактоо тармагында учурда 70 миңге жакын ак халатчандар өз ишин аркалашууда. Алардын 12 миңден ашууну доктурлар жана 29 миңге жакыны мээрман айымдар. Бул тармакта эң эле көйгөйлүү маселелердин бири кадрлардын чет жакка чыгып кетүүсү болууда. Доктурлардын жетишсиздиги өзгөчө Жетиөгүз, Аксуу, Түп, Алай, Карасуу, Өзгөн, Ноокат, Чаткал жана Акталаа райондорунда курч турат. Кадрларды элет жерде кармап калуу максатында 2005-жылы киргизилген “Дарыгердин депозити” программасы жыйынтык бербей келатканын адистер айтышууда. Быйыл бул күнгө карата мамлекеттик сыйлыктар менен медицинанын 36 кызматкери сыйланды.(MSu)
